واحد مبوق شاف واحد البنت رقيقة بزاف
سولها: فاش خدامة؟
قالت ليه: عارضة
قال ليها: ف إينا ملعب؟
واحد المكلخ كان سهران ف دار صاحبو، وملي بغى يمشي لدارهم، لقى الشتا كتصب.
قال ليه صاحبو : غير بات عندي اليوم، الدنيا هانية. ومشى للكوزينة يوجد أتاي
ملي رجع، لقى المكلخ كله فازݣ، وهو يسولو: منين جاك هاد الما؟
قال ليه المكلخ : غير مشيت لدارنا جبت بيجامة ورجعت
واحد المكلخ مشى يشري صباط.
سولو مول المحل: شحال كتلبس ف رجليك؟
قال ليه المكلخ: جوج فردات.
هادو شي مبقوين كيصليو
الأول عطس.
التاني قال ليه:يرحمك الله
التالت قال ليهم: ما مزيانش تهدروا ف الصلاة
الرابع قال ليهم: صلاتكم كاملين غالطة
الخامس قاليهم:الحمد لله أنا بعدا ما هدرتش
هادا واحد عيطات ليه مرتو، قالت ليه: ألو
هو ما بغاش يهدر معاها دار راسو ما كيسمعهاش، وقال ليها: ألو؟
قالت ليه: ألو!
عاود قال ليها: ألو؟
قالت ليه: حلف بالله أنك ما كتسمعنيش
قال ليها: واحق الله
موضوع: نكت جديدة مغربية 2013 
الأربعاء أغسطس 15, 2012 12:19 am
