تثبيت غرف الهاماشى على الكمبيوتر

السلام عليكم و رحمه الله و بركاته
مساء الفل عليكم جميعا :icon30:
ان شاء الله تعالي في الموضوع ده هنحاول نحل مشكله عويصه :crazy000: ....و تواجه الكثير من مستخدمي الهاماشي...و خاصه بعد تنصيب ويندوز جديد....
قبل كل شيء أرجو من جميع من يقرأ الموضوع تقييمه...مش هيكلفك وقت كبير أخي التقيييم و الرد..قل رأيك بصراحه: بعيدا عن(مشكووووووووووووووووووووور) رجاءا لأنها تغيظني...
كما أرجو تثبيت الموضوع لأهميته للمبتدأين و للمحترفين علي السواء.... :showoff0:
الي الموضوع:
المشكله أنك بعد ما تنصب الويندوز الجديد...تيجي حضرتك تدخل الحجرات اللي انت كنت فيها أصلا سواء كنت عضو أو حتي صاحب الغرفه:تجد نفسك موجود مرتين بالغرفه :crazy000: ..مره بالأكونت القديم (اللي واخد مكان علي الفاضي كان ممكن حد تاني يدخل في المكان ده) و الأكونت الجديد اللي حضرتك عملته بعد تنصيب الويندوز..
المشكله الحقيقيه تظهر لو كانت الحجره دي كانت مليانه لما انت كنت لسه علي الوندوز القديم..تيجي بأه تدخلها يا حلو علي الويندوز الجديد بالأكونت الجديد...وهبا...بالسلامه..تلاأيها مليانه و ماتعرفش تدخلها تاني... :harhar10:
تخيل بأه لو كنت انت اصلا صاحب الغرفه دي كمان...كده كل الموجودين في الغرفه أصبحوا (مستخدمين) و ماعدش فيه أدمن للحجره..يعني ما عنتش تقدر تطرد حد منها...و العدد اللي فيها هيظل ثابت الا اذا خرج أحدهم منها بارادته..في المشمش يعني..:sly00000:
طبعا مشكله كبيره...كده كل الغرف اللي تعبت علي ما جمعتها راحت في الهواء...و لو كان فيه واحد انت مصاحبه علي الهاماشي و مش عارف ايميله ما عنتش هاتقدر تكلمه بعد كده....أظن عرضي للمشكله يكون وضح كده dumbbells
السبب في المشكله دي هو: كل ما حضرتك تنصب هاماشي علي ويندوز مختلف: يتصل هذا الهاماشي بالسيرفر الأم بتاعه و يعمل لك أكونت جديد وهو بيكون الارقام اللي موجوده فوق اسم سعادتك من فوق مثل:
5.76.195.169
ده رقمي مثلا و بتلاأيه جنب اسم كل واحد انت ضايفه عندك في الهاماشي...
المهم الرقم ده بيتغير عند تنصيب نسخه هاماشي علي ويندوز مختلف..
واحد يأوللي حتي لو عملت الاسم المستعار بتاعي هوه هواه السابق؟؟
أقوله ايوه يا باشا..و جرب بنفسك...مش مشكله أبدا تكرار الاسم...لأنه فيه حاجه كمان بتتغير و هي الارقام اللي أولنا عليها...العمليه مش زي الياهو و الهوت...يعني مش ممكن تدخل بيه من أي مكان...فهمتوني؟؟
طب و الحل ايه؟؟؟ كيف أدخل الي نفس الحجرات الخاصه بي من أجهزه مختلفه أو اذا شأنا الدقه: من علي نسخ ويندوز مختلفه؟؟ و الأدقدق:من علي يوسر مختلف لنفس الويندوز؟؟
و الحل انا مجربه مليون مره و الله العظيم و فكرته رائعه....و بسيطه موت..
بص يا سيدي:
عند تنصيبك للهاماشي:ينتشر البرناامج في ملفات الويندوز بطريقه معينه و في أماكن معينه مثله مثل أي برنامج أخر...حلو؟
و كل الحجرات اللي سجلتها و بياناتها و بيانات الاشخاص اللي قمت أنت بطردهم من حجراتك (واحد رخم مثلا) كل ده بيتسجل في مكان واحد و فولدر واحد.....علي فكره:لو حد انت طردته و بعد ما أطرد و دخل تاني حجرتك , بيكون متسجل في الفولدر ده انه مطرود من حجرتك دي , و عندما تبدأ الهاماشي و تشغله يقوم البرنامج بعمل فحص سريع أذا كان هذا الشخص موجود أم لا: اذا كان موجود اي دخل بعد طردك ليه و في أثناء وجودك أوف لاين , يقوم البرنامج بطرده ثانيه تلقاأيا عند بدأ فتح البرنامج و التحميل بدون ما سعادتك تحس....
المهم ...نرجع لكلامنا:
الفولدر ده بأه يا سيدي هو حل الموضوع...حضرتك بتاخده كوبي منه و تعينه عندك في الجهاز في مكان تاني و لما الويندوز يقع لا قدر الله وتسطب ويندوز و هاماشي جديد..تغلقه بعد تنصيبه(تغلقه تماما من علامه أكس مش تعمله أوف لاين) و تعمل ريبلاسمنت بالفولدر القديم للفولدر الجديد..و تفتح الهاماشي تاني..هتلاأي جميع غرفك القديمه مازالت موجوده كما هي و كأنك علي الويندوز القديم تماما ان شاء الله يعني..
واحد زكي يسال سؤال زكي: طب لو نسيت أخذ الفولدر ده كوبي قبل أنهيار الويندوز..أعمل ايه؟؟؟
الاجابه:تاخد الهارد و تضعه سلييف مع أي هارد ماستر أخر عليه ويندوز منصب و شغال(عند واحد صاحبك أو سايبر) و بعدين تدخل لمكان الفولدر ده و تجيبه من أفاه و تعينه في مكان تاني...فل كده؟
فل جدا...و طبعا نفس الكلام اذا أخدت نسخه من الفولدر ده قبل انهيار الويندوز و بعدها بفتره ضفت عندك حجرات أخري و نسيت يامعلم تاخد كوبي من الفولدر بعد اضافه الحجرات الجديده ثم انهار الويندوز..!!
طبعا بتعمل الاول (Scan) ببرنامج أنتي فيرس (و أرشح الماكافي طبعا..راجل محترم جدا) علي ويندوزك المنهار قبل ما تدخل علي مكان الفولدر حتي لا تعدي جهاز زميلك أو لا تعدي نسخه الويندوز الجديده اللي ستقوم بتنصيبها...للأمان يعني..
فائده أخري عظيمه للحركه دي:
تخيل أنك في سايبر و عنده العبه اللي بتحبها وبتلعبها أون لاين من بيتك دايما(لو يعني مركب وصله DSL)...و تريد اللعب أون لاين مع أحد زملائك علي احدي غرف الهاماشي و هذه الغرفه مليانه..يعني طبعا مش هاتقدر تدخل ليها من هاماشي السايبر ده لأنها مليانه و مش متضافه في الهاماشي بتاع السايبر...
أقول لك لأ....يوجد حل أيضا....يمكنك بهذه الحركه نقل جميع الغرف اللي انت ضايفها معك أينما كنت...علي ويندوز جديد..في سايبر...علي جهاز زميلك...اي مكان...
تاخد الفولدر ده (كوبي) و بعدها تضغطه (هوه علي فكره مساحته صغيره جدا جدا جدا عندي 41.4 كيلو بايت يعني يترفع علي المايل في أقل من نصف دقيقه علي أضعف نت و هو نت المنزل بتاع المودم) و بعدها ترفعه علي ايميلك...و في أي مكان تريده..تنزله من الميل بتاعك و بعدها تفك الضغط و تعمل (ريبلاسمنت) للفولدر نفسه اللي موجود علي الجهاز التاني...و عيش بأه....طبعا قبلها تاخد نسخه من نفس الفولدر بتاع هاماشي الجهاز التاني اللي انت موجود عليه كنسخه(باك اب) بحيث عند انتهائك من اللعب تمسح الفولدر بتاعك و تعيد السابق الي مكانه الاصلي عشان تبأه رجعت كل شيء كما كان.. :flex0000:
كمان ممكن تلعب بغرف زميلك عن طريق ارساله للفولدر بتاعه لك علي الميل و تسوي نفس الحركه...اشطه؟؟ :icon30:
فيه فكره مجنونه كمان مطرأعه في نافوخي :busted_r: بس ما جربتهاش لسه...تخيل بأه لو واحد معاه بريميم أكونت - أكيد كلكم عارفين ان نسخه الهاماشي دي مش كامله المزايا و لكي تكمل المزايا يجب ان تدفع نقودا لشراء الليسنس كود- و راح باعتلك الفولدر ده....كده يبأه تمام أوي.... :icon30:
تقدر تتمتع بكل مزايا الهاماشي الرائعه ساعتها مثل:
1-أول و أهم ميزه و هي عدد الاشخاص المسموح لهم بدخول الغرفه: الغرف اللي صانعيها أشخاص عاديين تكون سعه الغرفه منها 16 شخص فقط..بينما التي يصنعها واحد معاه بريميم أكونت تصل سعتها الي 256 شخص و بكده تتحل مشكله التكدس نهائيا..(الصراحه مش متأكد..السعه الاجماليه لحجرات البريمم 256 بس أقصي عدد مسموح به للمستخدمين العاديين فيها 16 والباقي بريمم أو كلهم بريمم.....مش 256 عادي أو بريمم)
2- عدد الغرف اللي ممكن تضيفها: العادي 64 و البريمم 256..
3- ممكن أي حد يدخل الغرفه بمجرد معلوميه اسمها فقط...يعني من غير الباس كمان.
4- أغلاق الغرفه علي عدد معين من الناس بحيث أنه لا أحد غيرهم يقدر يدخل الغرفه حتي بمعلوميه الاسم و الباس..مفيده جدا في المسابقات كناحيه تنظيميه..
5-...يووووه ...دول كتير أوي....أبأه أكملهم بعدين..
لمزيد من المعلومات عن مزايا البريمم: أدخل هذا اللينك
[ندعوك للتسجيل في المنتدى أو التعريف بنفسك لمعاينة هذا الرابط]
عموما..فكره البريميم دي مجنونه شويه و تستحق التجربه..بس لو نجحت تكون خطييييييييييره مره...(علي رأي السعوديين)..
بقي شيء؟؟
طبعا السؤال اللي يطرح نفسه الأن: ممكن 2 يوسر يدخلوا مع بعض بنفس الاسم؟؟؟؟
الاجابه: و الله ما أعرفش لسه و لسه ما جربتهاش....بس كلامي الهدف الأول منه هو ارجاع غرفك المفقوده من الويندوز المدمر..
العيب الوحيد للكلام ده كله هو: الغش...وما أدراك ما الغش....
:busted_r: الغش في المسابقات:crazy000:
يعني ممكن واحد مش محترف و يعطي الفولدر ده (و اللذي أصبح بمثابه هويته علي الهاماشي) الي واحد صديقه محترف و يلعب بدلا منه في المسابقه أو في ماتش بعينه....ساعتها بأه كل واحد و ضميره...

أخيرا: أقسم بالله العظيم هذا الموضوع من تجربتي الشخصيه أنا ...و انا اللي مكتشفه بنفسي...يعني مش واخده من أي منتدي أخر ولا من أي حد أخر و الله علي ما أقوله شهيد.. و لو الموضوع ده موجود هنا و حد كتب فيه ابل كده أقسم لكم بالله العظيم اني ماشفتهوش..الفكره راودتني من زمان و كنت فاكر العمليه في ملفات الريجيستري و دخت الصراحه علي ما عرفت انها في الأبليكاشن داتا....ما خطرتش في بالي أصلا....عشان كده ممكن جهاز كومبيوتر واحد و عليه اتنين أكونت للويندوز و تيجي تدخل في الاكونت التاني ما تلاأيش الغرف اللي في الاول...لأنها خاصه باليوسر فقط ...يعني كمان مش بنسخه الويندوز..أذن العمليه محدده جدا جدا...

و بالنسبه لردودي علي تساؤلاتكم:
أرجو المعزره: تواجدي بكثره في أيام الاربعاء و الخميس و الجمعه..وبها أكون مستعد للرد علي أي استفسارات..غير ذلك المفروض الا أكون موجود بتاتا لظروف الكليه و السفر الدائم و الاقامه...يعني وجودي اليوم أصلا شاذ..أنا غايب النهارده و المفروض أكون دلوقت في الكليه....وأنوه ثانيه:حسبي الله و نعم الوكيل في كل من ينقل هذا الموضوع الي خارج المنتدي..
و كمان حاجه مهمه جدا:انا ناشر نفس الموضوع ده تقريبا بالحرف-بنفس الاسم IZAZZA في أحد المنتديات الأخري الخاصه بلعبه يوغي فقط لأني من عشاقها وتقريبا ما بلعبش غيرها...و طبعا مفهوم أهميه الموضوع ده في منتدي للعبه يوجي بس,,لأنها كلها معتمده علي الهاماشي...أنا اسف اني أولت كده و علي الله ما حدش يظن بيه ظن سيء و يأول انت جاي تعمل اعلان عن الموقع التاني :busted_r: ....لا و الله يا جماعه..و الله العظيم لا أقصد :in_love0: ..بس ماحبش حد يتهمني بالسرقه لو شافه هنا و هناك...
معلش انا لكاك شويه :shutup00: .....الان الي الشرح بالصور... :icon30:

__________________

و السلام عليكم و رحمه الله و بركاته
:lol!: :farao: :king: