عاااااااااااااااااااجل .....النشيد الوطني المصري الجديد

بسم الله الرحمن الرحيم
----------------

بناءا على توجيهات المواطنه الشريفه المحبه للوطن / مصرية المصري

التي اقترحت تغيير النشيد الوطني الحالي .. فقد قرر الدكتور / أحمد لمعي شرشور .. رئيس مجلسي الشعب و الشورى .. تغيير النشيد الوطني الحالي .. و قدقرر تكليف الشاعر الفنان / ننس حلمنتس ... بكتابه النشيد الوطني الجديد .. و اسند عمليه تلحينه الى الفنان و الملحن العالمي / جولدن فنجرز .. و اليكم النشيد الوطني الجديد

مصر بلدنا و ست الكل
تنزل جوه الحاره تطل
يبقى الكل عنيه فالارض
بلدي يا بلدي .. حبيبه الكل

مصر بلدنا وليها تاريخ
اسألوا عنها في المريخ
بلد العلم و بلد الفن
عملت من القرطاس صواريخ

مصر بلدنا بلد الأمان
سياحه و رقص في كل مكان
يالا يا سايح سيب لبنان
مصر الكنج في اي زمان

مصر بلدنا جيشها معمر
عمره في يوم ما يحب يدمّر
في انتصاراتنا بيمشي يزمر
يخدم سيده .. ولا بيتأمر

مصر بلدنا عليها النيل
تشرب منه كأنه سبيل
والحبيبه عليه بتميل
مالي الدنيا بحب جميل

تحـــــــيا مــصـــــــــر

مصر بلدناو ست الكل
حلوة وقشطة وزي الفل
كل مافيها جميل ولذيذ
من حبها أنا بكرة اتشل

احلى شوارع واحلى رصيف
حبة فول على نص رغيف
يصبح مود الطاسة ظريف
طنش وابلع اسهل حل
مصر بلدنا وست الكل

مصر يا بلدي انا مش مطحون
مصر يا احلى مكان ف الكون
انا مش خايف ولا مسجون
بس انا يمكن اكون محتل
اه انا اسف اكون مختل

مصر بلدنا وتاج الراس
من يحميكي الا الحراس
ولاد العز ولاد الناس
واحنا نعيش كدة زي الظل
مصر بلدنا يا ست الكل